Burnley leh Foxes inkhelh hun an sawn

Covid-19 leh inhliam vangin zanina Burnley leh Leicester City te inkhel tur chu an sawn. Tun season-ah Covid-19 vangin Premier League inkhel 20 an sawn tawh a ni.

Premier League danah outfield player 13 an awm a, chung zinga pakhat chu goalkeeper a nih chuan inkhelh kaltlangpui tur a ni. Amaherawhchu Clarets hian manager Sean Dyche bakah player engemaw zat Covid-19 vanga an chhawr theih loh avangin inkhelh hun sawn an dil.

Burnley dilna hi Premier League-in sawn an remti a, Thawhlehni zana Clarets leh Watford inkhel tur pawh an kaltlangpui thei ang em tih a chiang ta lo.

December thla khan Covid-19 vangin Burnley hi Watford, Aston Villa leh Everton nena an inkhel tur chu sawn a ni tawh.

Kar liam ta khan Burnley hian FA Cup-ah Huddersfield Town an hneh lo a, hei pawh hi Covid-19 vanga player ṭhahnem tak an chhawr theih loh vangah a puh theih a ni.