Player lian ka ngaina - Magpies boss

Newcastle United-in zanin dar 8:30 hian Watford an mikhual dawn a, Premier League-a tla thei dinhmuna ding pahnih inkhel hi a boruak a sang ang.

Club neitu thar neih vanga ngaihven hlawh New-castle hian thawm an nei ring a, beisei ang erawhin player langsar an lalut thei lo. Magpies hian Kieran Trippier leh Chris Wood an lalut tawh.

New Zealand interna-tional striker Wood hi kum 30 mi a ni a, feet thum leh inches thuma sang a ni. Magpies boss Eddie Howe chuan, "Chris kan la hi kan lawm. Striker lian leh chak hi ka ngaina tih zep rual a ni lo a, kan inkhel thlir let pawhin kar liam ta khan box chhungah cross vawi 30 kan nei," tiin a sawi.

Watford lakah hian Wood hi a club thar tan a inlan a rinawm a, Claudio Ranieri hote hmaah fiahin a awm ang. Hornets hian point 13 hmuin 17-naah an awm a, 18-naa awm Magpies hian point 11 an hmu thung a, an team dinhmun leh point hmuh dan thlir hian inkhel hmuhnawm tur zia a sawifiah.