Chennaiyin leh Hyderabad inhnehtawk

Ningani zan Indian Super League inkhelah Chennaiyin leh Hyderabad an intawng a, chak zawk awm loin an inṭhen a, 1-1 in an inhnehtawk.

Chennaiyin tan Mohammad Sajid Dhot chuan minute 13-na lekah goal hmahruai a khung a, mahse, South Indian club-in an beisei angin goal dang an khung zui lo.

Hyderabad tan Javier Siverio chuan first half hun pek belh minute linaah si phurh a rawn sut a, hun tawp thlenga goal dang lut tawh loin team pahnih an ṭin.

Chennaiyin tan ṭum dang ang thoin Jerry Lalrinzuala chuan inkhel bul a ṭan a, Lallianzuala Chhangte chu bench aṭangin luhtir a ni bawk.