Gomez-a season a tawp?

England tana a fehchhuahna lama inhliam Joe Gomez chu a khup hliam zai a ni a, Liverpool defender hi tun season-ah a hmel kan hmu tawh kher lo mai thei. 

Liverpool chuan an defender chungchang hi puangin a lo kir hun tur an sawi theih loh thu an sawi a, hetihrual hian, "Tun season match engemaw zat chu a khel dawn lo chiang a ni," an ti thung. 

Kum 23 mi defender hian October 2015-ah khan a khupah vek hliam a lo nei tawh a, season a hmang tluan thei lo - hemi ṭuma a hliam nen erawh a inang lo deuh a, hei vang hian Reds lam chuan beiseina tlem an nei niin a lang. 

England manager Gareth Southgate chuan England training-naa inhliam Gomez-a inhliam chhan chu match khelh tur tam lutuk vang a nih thu a pha lo.

Southgate chuan, "Player-te hmakhua hi kan ngaihtuah ber a ni a, Gomez kan chan dan hi a lawmawm loh takzet a ni. Football calendar hi bihchian a ngai," tiin a sawi. 

Liverpool hian tlar-hnung lamah hliam vangin Virgil van Dijk chu season tluan deuhthaw an chan hmel tawh a, right back Trent Alexander-Arnold-a dinhmun tun thlengin an la sawi chiang thei lo a, centre back anga chhawr ṭhin midfielder Fabinho chu a chawl mek bawk.