Kum li tang tur Brazil FA chief hlui

Brazilian Football Confederation president hlui Jose Maria Marin chu eiruk thubuaiah thiam loh chantir a nih avangin kum li chhung lung in tang tura hrem a ni a, dollar maktaduai 1.2 chawi tura tih ni bawkin dollar maktaduai 3.34 dah kham tura hrem a ni bawk.

May 2015 khan FIFA official pasarih ngawt chu eiruk thubuai avangin Zurich khawpuia hotel-ah man an ni a, kum 86 mi Marin hi man zingah hian telin Brooklyn federal court chuan a hremna hi a ti chhuak ta a ni.

Sao Paulo governor hlui Marin hi March 2012 aṭanga April 2015 thleng kha chuan Brazil football hotupa a ni a, hrem a nihna chhan zingah hian television lama Copa America chhuah theihna 'broadcasting rights' hralh chungchangah sports marketing company aṭanga thamna sum a lak te a tel a, thubuai siamsak a nihna pasarih zinga parukah chuan thiam loh chantir a ni.