Kvitova-i'n quarterfinal a lut

US Open inbuatsaihna tournament hnuhnung ber Connecticut Open khelh laiah Petra Kvitova chuan Zarina Diyas hnehin quarterfinal a lut a, a vawi li nana champion turin kawng dik a zawh mek.

Czech Republic nula Kvitova hi tun ṭumah hian seeded pathumna pek a ni a, Nilaini zan inkhelah a khingpui Diyas hi 6-1, 5-7, 6-2 in a hneh a, semifinal lut tur chuan Suarez Navarro a paltlang leh a ngai ang.

Inkhel dangah champion lai Daria Gavrilova erawh Aryna Sabalenka hneh loin a zinkawng a tawp. Seeded pakuana Gavrilova hi 6-3, 6-7 (6-8), 7-5 in a chak lo a, Sabalenka erawhin quar­ter­final-ah Belinda Bencic a hma­chhawn leh thung dawn a ni.