Tun season chhunga tlan chak ber Baker

American sprinter Ronnie Baker chu tun season chhunga khawvel mipa tlan chak ber a ni. Poland-a neih Kamila Skolimowska Memorial-ah Baker hian 100m chu 9.87sec chhunga thlengin pakhatna a ni. Kum 24 mi Baker hian a hun tawn tawh zinga a tlan ṭhat ber ṭum a tawng a, a hnunga thleng Noah Lyles chuan 9.88sec a mamawh thung.

Poland-ah hian 2014 khan Usian Bolt chuan record a lo siam tawh a, 100m hi 9.98sec chhungin a thleng. Jamaican sprinter ropui sulhnu chhuanawm zet hi Baker hian a rawn khum chiah. Athletics meeting an neih ṭhin hi 1960 bawr chho aṭang khan mipui ngaihhlut a hlawh hle a, tun ṭuma intlansiak pawh hi a hmunah mipui 41,200 chuangin an en a ni.

August 31-a Diamond League an tlan tur thlir nghalin Baker chuan, "Kan dinhmun a ṭha, ka inpeih tawh," a ti. Inelna lian leh langsar zawk a champion thei turin a inringtawk hle.