Ranji Trophy Mizoram fixture a chhuak

Board of Control for Cricket in India-in a hnuaia awm turin Cricket Association of Mizoram a pawm tawh a, tualchhung cricket inelna ngaihhlut hlawh Ranji Trophy-a Mizoram fixture pawh a chiang ta–November 1-4 inkarah an match hmasa ber khelin Nagaland an zinchilh ang.

Kumin Ranji Trophy-ah hian team thar pakua ngawt an inlan dawn a, Mizoram bakah hian Arunachal Pradesh, Manipur, Meghalaya, Nagaland, Puducherry, Sikkim leh Uttarakhand te chu tualchhung cricket inelnaah hian a vawi khat nan an inlan ve dawn a ni.

Ranji Trophy-a tel tur zawng zawng hi an vaiin team 37 a ni dawn a, group pali-ah ṭhen hran an ni. Group A leh B-ah team ṭha zual pakua ve ve dah an ni a, anni group aṭang hian a sang pahnih ve ve leh pathumna zinga ti ṭha zawk pakhatin quarterfinal an lut ang.

Group C-ah team 10 dah niin a ti ṭha pahnihin quarterfinal an lut ve bawk ang a, Plate Group an tihah Mizoram dah niin hei hi Ranji Trophy-a tel thar ho dahna a ni a, kum 15 hnua Ranji khel leh tur Bihar pawh he group-ah hian dah niin anni zinga a ti ṭha ber hian quarterfinal an lut ve ang–Mizoram tan a awlsam dawn lo.

Hetihlai hian Ranji inbuatsaihna, Ranji One Day Trophy tia hriatlar Vijay Hazare Trophy khelh a ni dawn bawk a, Mizoram fixture chhuak tawhin Ranji Trophy-a an awmpui te nen vek group khatah an awm ang.

Ranji Trophy, Mizoram Fixture
A hun Team Hmun
Nov 1-4 Nagaland Nagaland
Nov 12-15 Arunachal Mizoram
Nov 20-23 Manipur Mizoram
Nov 28-Dec 1 Puducherry Puducherry
Dec 14-17 Sikkim Mizoram
Dec 22-25 Meghalaya Meghalaya
Dec 30-2 Jan Bihar Mizoram
Jan 7-10 Uttarakhand Uttarakhand
Vijay Hazare Trophy, Mizoram Fixture
A hmun: Gujarat
August 19 Mizoram vs Arunachal
August 20 Mizoram vs Meghalaya
August 23 Mizoram vs Puducherry
August 26 Mizoram vs Sikkim
August 28 Mizoram vs Manipur
October 02 Mizoram vs Uttarakhand
October 06 Mizoram vs Nagaland
October 08 Mizoram vs Bihar

Ranji Trophy Group
Elite Group A
Baroda, Chattisgarh, Gujarat, Karnataka, Maharashtra, Mumbai, Railways, Saurashtra and Vidarbha
Elite Group B
Delhi, Bengal, Kerala, Madhya Pradesh, Andhra Pradesh, Punjab, Hyderabad, Himachal Pradesh and Tamil Nadu
Elite Group C
Assam, Goa, Haryana, Jammu & Kashmir, Jharkhand, Odisha, Services, Rajasthan, Tripura and Uttar Pradesh
Plate Group
Bihar, Arunachal Pradesh, Manipur, Meghalaya, Mizoram, Nagaland, Pudhucherry, Sikkim and Uttarakhand.