A zawna vawi thum chak lo Lakers

Los Angeles Lakers hi han chak ve ṭhin mah se a fuh rei hleithei lo. Nimin zing NBA regular season inkhelah Lakers hi Denver Nuggets lakah 133-96 in an chak lo a, tun hnaiah a zawnin match thum chhung an tlawm ta.

Khup hliam vangin Anthony Davis a inkhel thei lo a, player ṭha LeBron James erawh minute 31 chhung inlanin point 25 a nei a, rebound vawi kua lain assist vawi hnih a nei bawk; Russel Westbrook (19 points) leh Dwight Howard (13) ten point 10 chuang an nei thei bawk.

Nuggets lamah mimala che ṭha fal bik tak sawi tur an awm lo. Mahse, player pasarih ngawtin point 10 chuang an nei thei a, an khingpui Lakers tan ven bik tur ber pawh hriatthiam harsa khawpin an khel ṭha rual.

Western Conference table-ah Nuggets hian parukna dinhmun an luah a, vawi 22 hnehna an chang tawh. An hnuaiah hian ṭum 21 chak tawh Lakers an awm thung a, playoff khel pha china awm ni mah se an dinhmun hi duhawm tak a la ni hran lo.

NBA - Nimin Results
Portland Trail Blazers 115 - 110 Washington Wizards
New York Knicks 117 - 108 Atlanta Hawks
Cleveland Cavaliers 107 - 102 Oklahoma City Thunder
Orlando Magic 92 - 108 Dallas Mavericks
Chicago Bulls 112 - 114 Boston Celtics
New Orleans Pelicans 105 - 120 Brooklyn Nets
Los Angeles Clippers 94 - 101 San Antonio Spurs
Philadelphia 76ers 109 - 98 Miami Heat
Los Angeles Lakers 96 - 133 Denver Nuggets