Shevchenko an ban

Italian club Genoa chuan an coach Andriy Shevchenko an ban. Serie A mawngphah lama talbuai mek hi thla hnih chhung bak a enkawl hman lo tihna a ni a, a contract ziah pangngai a hmang zo lo.

Ukraine manager hlui hian nikum November thla khan Genoa enkawl hna hi a thawk ṭan, kum 2024 thleng daih contract hi a ziak. Mahse, tun hnaiah player a nih laia a khelhna AC Milan an ngam lo a, a match hnuhnung ber a ni nghal.

Genoa chuan thuchhuah siamin, "Andriy Shevchenko leh a coaching staff chungah an hnathawh avangin lawmthu kan sawi," tiin duhsakna an hlan a, dinhmun harsa taka an dinna aṭanga hruai chhuak tur erawhin an ring zo lo.

Serie A match 21 an khelh tawhah Genoa hian point 12 chiah la hmuin a hniam ber dawt an ni a, an hnuaia awm Salernitana nen an inthlauhna chu point khat lek a ni a, Genoa hian match khatin an khel hnem zawk.