Vawiinah Mizoram boxing team chhuak dawn

Boxing Federation of India hnuaia a vawi khat nan September 2-7, 2018 hian Nagpur-ah 1st Sub Junior Women's National Championship chu khelh a ni dawn a, vawiin hian Mizoram team-in Aizawl an chhuahsan ang. Mizoram team hi coach tawnhriat nei ṭha pahnih B. Lalhriatpuii leh Jonathan ten an enkawl a, anni hian Mizba Boxing Hall, Ramhlun Sports Complex-ah boxer 12 te chu coaching camp an neih pui a ni.

Tun hmain India Ama­teur Boxing Federation (IABF) hnaiah neih a ni tawh ṭhin a, IABF ṭhiah a nih hnuah BFI din a ni a, tun hi pawl thar hnuaiah an neih leh hmasak ber tur a ni. Mizoram hian vawiin hian inelna hmachhawn turin Guwahati an pan ang a, Assam khawpui aṭang hian train-in Nagpur an pan leh ang.

Mizoram team chu
Cat Hming Veng/Khua
34 Kgs Lalhruaitluangi Venghnuai
36 Kgs Lalnunthari ( SAI ) Tuipui ( Champhai Dist )
38 Kgs Vanlalnghaki Venghnuai
40 Kgs Lalrohlui Venghnuai
42 Kgs Lalbiaknii Kolasib
44 Kgs C. Lalruatfeli Central Jail Veng ( SAI )
46 Kgs L. Vanlalduatsangi Siaha
48 Kgs Jordan Rochansangi Kolasib
50 Kgs H. Lalnunfeli Serchhip ( SAI )
52 Kgs Lalhmingsangi Venghnuai
57 Kgs Naom Chingsannuami Chaltlang
60 Kgs Rudy Lalhmingmuani Lawngtlai ( SAI )
Coach : B. Lalhriatpuii, Bungkawn Nursery
Coach/Manager : Jonathan, Ramhlun South