British GP tlan thei lo

Bike intlansiakna sang ber British GP chu Pathianni tlai khan tlan tura tih a ni a, mahse ruah a sur nasat bakah tlan kawngah tui a tlin nasat avangin tlan theih a ni lo!

Kar tluanin ruah a sur a, mahse Silverstone tlan kawng hi siam ṭhat thar a nih avangin tlan theih tura ngaih a ni. Tlai dar 4:00 a tlan tur chu darkar khatin sawn tlai phawt a ni a, mahse tlan kawng huh nasat bakah kum dang angin tui a luang ral chak tawk lo.

MotoGP race director Mike Webb chuan, "Season dangah pawh ruah sur vang hian buaina kan tawk fo, fur lai a nih avangin sawisel theih pawh a ni lo. Chutih rualin inelna hmachhawn theih erawh a ṭha hle," tiin a sawi.

Rider ṭhenkhatin in­elna neih an châk thu an sawi a, thuneitu lam erawh­in fimkhur thu hla­ah tlan an phal lo. Intlansiak neih theih loh hi British GP buatsaihtute tan chuan chanchin lung­chhiat thlak a nih rualin mualphona a ni bawk.

Circuit managing di­rec­tor Stuart Pringle chuan, "Silverstone siamṭhat a nih khan intlansiak nuam leh ṭha zawk neih theih nan tih a ni a, mahse tunah chuan beisei ang a ni lo. Thil thlen dan hi chiang zawka chhui chian a ni ang," tiin track siamṭhatu Bank Holiday pawh­in hrethiam se a tih thu a sawi.