Sydney FC lakah India chak lo

SAFF Championship khel tura inbuatsaih India chuan nimin khan Sydney FC lakah hnehna an chang zo lo a, Australia-a league sang ber A League champion lai lakah hian 3-0 in an tlawm.

Sydney tan Brosquey, Adam Le Fondre leh Trent Buhagiar te chuan goal khat ṭheuh an khung a, India-in a chhanletna tur an neih loh avangin an mikhualna ramah an tlawm.

India squad-ah hian Mizo panga Lalruatthara, Jerry Lalrinzuala, Isaac Vanmalsawma, Lallianzuala Chhangte leh Daniel Lalhlimpuia te an awm a, Jerry leh Lianzuala hi second half-ah luhtir an ni.

September 4 aṭanga inelna neih ṭan tur SAFF inbuatsaihnana Australia tour-ah hian India coach Stephen Constantine chuan player enchhin a duh avangin a inkhelh chhawk tir nasa hle.