Mizoram football tana mi bik T. Vanlalhluna'n mual a liam

Mizoram Football Association executive committee member T. Vanlalhluna chu January 16, 2022 zan khan heart attack vangin a thi a, nimin khan Dinthar thlanmualah vui liam a ni.

Hluna hi kum 63 mi a ni a, a nupui Lalngaizuali leh a fate pathum a kalsan. MFA chuan, "Mizoram football team pawh vawi tam tak a enkawl tawh a, hlawhtlinna ṭhahnem tak a nei a, hun lo taka min boral san hi pawi kan ti takzet," tiin thuchhuah an siam.

Dinthar pachal Hluna hi Mizoram Premeir League-a champion hmasa ber Dinthar FC dintu (founder chairman) a ni a, tualchhung football-ah Dinthar FC leh Dinthar veng chu nomawi ṭhahnem tak a chawipui.

Hluna hnuaia Dinthar FC champion-na lianzual chu MPL, MFA first division, I Day Football, Gen. Padma Jung All India Invitation leh ONGC All India Invitation te a ni.

Mizoram team pawh vawi tam a enkawl a, kum 2012 khan Sikkim-a inelna neih Dr TAo-ah champion puiin kum 2020-a Nagaland-a neih a nih ṭum khan a champion pui leh bawk.

Hluna'n kum 2020-a Mizoram team manager hna a chelh ṭum hian Santosh Trophy qualifier-ah an khingpui hneh vekin final round an lut a, Covid-19 vangin inelna neih theih a ni ta lo. Mizoram football tana Hluna sulhnu hi theihnghilh theih a ni tawh lo ang.