Asia no.1 NT Lalbiakkima

World Boxing Council (Asia) chuan Asia khawmualpui bika an ranking thar ber an ti chhuak a, strawweight division (47 kg hnuai lam) ah Mizo boxer NT Lalbiakkima chu number 1 a ni.

NT-a chuan, "Indian boxer zingah Asia huap ranking-a number 1 dinhmun luah hi an la awm chiah loin ka hria a, chona phurawm tak min siamtu a ni," tiin number 1 a ni chu a lawm thu Vanglaini a hrilh.

WBC (Asia) strawweight-ah hian November, 2021-a WBC World minimum title fight-a tlawm hlim Danai Ngiabphukhiaw chu pahnihna a ni a, Filipino boxer lar Melvin Jerusalem chu pathumna a ni thung.

Kum 27 mi Melvin hian a professional career-ah vawi 19 fight hmachhawn tawhin vawi 17 a chak a, vawi hnih a tlawm thung.

Professional boxing a luhchilh hnuah NT-a'n vawi thum inhnek hmachhawnin a khingpui a knockout vek a, IBA intercontinental title a kawl mek.