Copa del Rey-ah Sevilla an tlawm

Inrinni zan khan Copa del Rey round of 16-ah Real Betis leh Sevilla an inhmachhawn a, buaina a chhuah avangin Pathianni zan khan khelh chhunzawm a ni - Sevilla hi 2-1 in an tlawm.

Real Betis khelmuala inkhelah Sevilla tan Papu Gomez chuan minute 35-naah goal hmahruai a khung a, Nabil Fekir chuan minute li hnu lawkah corner aṭangin mawi zetin a sut.

Mahse, Betis fans zing aṭangin khelmualah thil vawm luh a ni a, Sevilla midfielder Joan Jordán-a lu-ah an vawm fuh. Minute 45 zet inkhel tihtawp a nih hnuah thuneitu lamin inkhelh chhunzawm chiah an ngai lo a, Pathianni zana khelh chhunzawm turin an titawp.

Pathianni zanah minute 39-na aṭangin inkhelh chhunzawm leh a ni a, khelmuala fans awm lohna inkhelah Sevilla-in an ṭhianpa tan phuba an la dawn emaw tih laiin Betis tan Sergio Canales chuan minute 73-naah a khung ve leh a, Sevilla-in a chhanletna tur an neih loh avangin 2-1 in an tlawm.

Copa del Rey - Round of 16
January 15, Inrinni Zan
Real Mallorca 2 - 1 Espanyol
REA: Abdón Prats 60'; Takefusa Kubo 32'
ESP: Javi Puado 62'
Girona 1 - 2 Rayo Vallecano
GIR: Bernardo Espinosa 26'
RAV: Sergi Guardiola 45', 48'
Sporting Gijon 0 - 0 Cadiz
*Penalty-ah 4-0 in Cadiz an chak

January 16, Pathianni Zan
Atlético Baleares 0 - 1 Valencia
VAL: Marcos André 1'

Real Betis 2 - 1 Sevilla
REB: Nabil Fekir 39'; Sergio Canales 73'
SEV: Papu Gomez 35'

January 19, Nilaini Zan
Real Sociedad 1:30 AM Atletico Madrid

January 20, Ningani Zan
Elche 11:30 PM Real Madrid
Athletic Bilbao 02:00 AM Barcelona