Vardy leh Cahill an chawl

England international pahnih Jamie Vardy leh Gary Cahill te chuan ram tana inkhelh an chawlhsan thu an puang a, ramin a mamawh a nih erawh chuan Three Lions tan an inpeih reng tur thu an sawi thung.

Three Lions tan vawi 26 inlana goal sarih khungtu Vardy chuan, "Coach-in player naupang zawk hmanga team din a duh a, ka tan chuan inthiar fihlim a ṭha a ni. Hetihrual hian striker an inhliam vek ṭum pawh a awm thei a, chutiang huna min mamawh hunah chuan koh turin ka awm reng ang," a ti.

Hetihlai hian Chelsea defender Cahill chuan ram tana inkhelh a chawlhsan thu a sawi ve bawk a, kum 32 mi ram tana vawi 61 inlan tawh chuan, "Player naupang zawkte ka ken a hun ve tawh a ni. Ram tana inkhel phak ka ni kha ka lawm a, min mamawh hun a awm a nih chuan ka awm reng ang," a ti ve bawk.