Mipui chakna nen Electric Veng inpeih

Mizoram Premier League Season 7 aṭanga inlan tur Electric Veng FC chu tualchhunga football inelna sang ber hmachhawn turin an inpeih tawh.

Electric Veng FC hi season liam ta khan Aizawl DFA hnuaiah first division club an ni a, tun ṭumah hian MPL club Chanmari West FC hmun ruak an luah khat dawn. MPL club an nih hnuah EFC-in inpuahchahna hun ṭha an neih hman loh avangin MFA Super Cup-ah an inlan lo.

Beisei a sang!

I Day Football-ah Electric Veng FC rawn inlan ṭanin MPL a nih hnua an match hmasa berah hmarchhak aṭanga I League champion hmasa ber Aizawl FC an hneh a, an group-ah hian Chanmari FC, Ramhlun North leh Bethlehem Vengthlang FC an awm chungin semi final an lut a, group stage-ah hneh loh an tawng lo.

Semifinal-ah Electric Vengin champion zui ta Chhinga Veng a hneh lo a, I Day Football-a a sang palia inhlangkai thei club hian beiseina sang tak nen MPL an hmachhawn ang.

Pressure a awm

Electric Veng manager Lalchhanhima chuan, "I Day Football-a semifinal kan thlen avangin beisei a sang dawn a, pressure chu a awm. Amaherawhchu, MPL club thar kan ni tih kan theihnghilh loh a ṭha a, club tenau zinga mi kan nih avangin match zawng zawnga a kaw tawpa ṭang tur kan ni," tiin Vanglaini a hrilh.

An beisei sawi chhunzawmin Chhanchhana chuan,"Tuna kan player neih te hi kan ringtawk. Semifinal thlen theih kan inbeisei a, relegate thei zinga awm erawh kan tum lo. Mipui chakna nen kan beisei tih hlawhtling ngei kan tum," tiin vengchhung mipui chu an hmachhuan a nih thu a sawi.

# Hming Nickname Position Permanent Address
1 Lalrinnunga Hnamte Rinnunga Goalkeeper Khawhai
2 Vannunmawia Nunmawia Goalkeeper Champhai Zotlang
3 Lalengzauva Chenhrang Zautea Centre Back Electric Veng
4 Vanlalremruata Remruata Centre Back Bawngkawn South
5 Zohmingmawia Hmingtea Centre Back Kulikawn
6 Rorelliana Rorela Centre Back Electric Veng
7 C. Zomuanpuia Zomuana Left Back Chhinga Veng
8 VL. Rindika Arina Left Back Electric Veng
9 C. Lalnunmawia Mawitea Right Back Rengtekawn, Kolasib
10 K. Vanlalhmuchhuaka VL-a Right Back Electric Veng
11 Vanlalremkima Tetea Defensive Midfielder Electric Veng
12 Isak Vanlalpeka Isaka Attacking Midfielder Kolasib Dinthar
13 Lalmalsawma Sawmtea Attacking Midfielder Bilkhawthlir
14 VL.Thazuala Thazuala Attacking Midfielder Hlimen
15 C. Laldinmawia Dinmawia Midfielder Electric Veng
16 H. Lalfakzuala Faka Midfielder Electric Veng
17 H. Zawnhmingthanga Thanga Midfielder Electric Veng
18 Vanlalhmangaiha Hmangaiha Winger Electric Veng
19 Vanlalremsanga Remsanga Winger Khawhai
20 Lalhlimpuia Tat-a Forward Electric Veng
21 Lalthasanga Thasanga Forward Phullen
22 M.Lalrintluanga Tluanga Forward Khatla South
23 R.Lalropianga Pianga Forward S.Lungpher
24 David Lalchhuanawma David Forward Salem Veng