Goal of the season-ah Ronaldo goal

Season liam ta Champions League quarterfinal first leg-a Cristiano Ronaldo-a'n Juventus lama a khung chu UEFA.com Goal of the Season atan thlan a ni. Juventus Stadium-ah hian Real hi 3-0 in an chak a, Champions League-ah a vawi thum nan nomawi an chawi zui bawk.

Ronaldo goal ropui chu hetiang hian a inṭan. Juventus defender Giorgio Chiellini leh keeper Gianluigi Buffon te inhmu fuh loin Italian defender ball petchhuah na tawk lo chu Ronaldo-a'n a chang a, Lucas Vázquez pein Real midfielder ball pet hi Juve keeper Buffon-a'n a hnek chhuak.

Dinglama awm Dani Carvajal chuan chang lehin box chhungah a cross a, Ronaldo chuan ball a hmuh rualin sang takah a invawrh a, boruakah rei lote tangin a ke dinglam chuan ball chu goal-ah a bin lut a, Buffon meuh pawhin en liam mai loh chu tihtur a nei lo.

Goal a mawi tluk zetin mipui chet dan pawh a mawi, Real Madrid ṭantu chauh ni loin Juventus ṭantu thlengin Ronaldo goal khung lawmin an ding a, kut an beng a ni. Portugal captain pawhin tun season aṭang chuan a goal khung lawm saktu Juventus kawr a ha ta bawk.

Marseille midfielder Dmitri Payet-a'n Europa League quarter-finals second leg-a RB Leipzig lama a khung chu pahnihna a ni a. UEFA European Women's Under-17 Championship final-a Spain player Eva Navarro-a'n Germany lama a khung chu pahnihna atan thlan a ni.

Goal of the Season dawng tawhte
2018 Cristiano Ronaldo (Real Madrid) Vs Juventus April 3, 2018
2017 Mario Mandzukic (Juventus) Vs Real Madrid June 3, 2017
2016 Lionel Messi (Barcelona) Vs Roma November 24, 2015
2015 Lionel Messi (Barcelona) Vs Bayern May 6, 2015