French Open entu an awm dawn

Tennis tan chanchin lawmam a thleng. French Open buatsaihtu chuan a hmuna entu awm chungin inelna buatsaih an tum thu an ti chiang, stadium khat ni loin ṭhutna awm aṭanga chhutin 60% an awm thei ang.

French Open hi May thla a khelh tur kha ni mah se Covid-19 vangin a hun pangngaiah khelh theih a ni lo. September thla chawhnu lam hian khelh a ni dawn a, hri leng a ziaawm tak avangin fans an awm thei dawn. Nikum French Open kha a hmunah mi 520,000 zetin an en, kuminah erawh khualzin an tlem dawn tih chu a chiang. Chutih rualin a hmuna en an phal a nih erawh chuan stadium khat chu an pungkhawm thei reng ang tih a chiang.

Inelna neihna hmunpui ber leh final khelhna ni ṭhin bawk Court Philippe-Chatrie hi mipui 15,500 lenna a ni a, ruahman anga 60% chauh an lut thei a nih chuan mi 9,000 velin inkhel hmuhnawm bik hi an en thei dawn tihna a ni.