NFL history-a hlawh tam ber tur Rodgers

Green Bay Packers quarterback Aaron Rodgers chuan kum li chhung atan pound maktaduai 103-a ($134m) contract pawhsei a remtih avangin NFL history-a hlawh tam ber tur a ni dawn.

Kum 34 mi Rodgers hian March 2019-ah chuan $80m aia tam hlawh hman tura beisei a ni. An inremna hian Atlanta Falcons quarterback Matt Ryan record lo siam tawh chu a khum ang.

Rodgers hian Packers hi kum 2011 khan Super Bowl-ah hnehna chanpuiin most valuable player a thlan a ni a. 2005 NFL draft-ah khan Packers hi a zawm a, MVP atan ṭum hnih thlan a ni tawh.

Tunah hian Rodgers hian a contract-ah kum hnih a nei mek a, contract thar hian kum 2023 thleng a daih ang a, a zawh chuan kum 40 a ni ang.

Thawhṭanni khan Odell Beckham Jr chuan kum nga daih contract a ziak thar a, tarlan danin a contract hlut zawng hi pound maktaduai 78.7 ( $95m) a ni a, NFL history-a wide receiver hlawh tam tam ber a ni.