Atletico tan Copa del Rey a pawimawh

Diego Simeone kaih­hruai Atletico Madrid-in La Liga nomawi an chawi nawn a beiseiawm lo a, tun season-a nomawi chawi an duh a nih chuan Copa del Rey hi a awlsam berah a ngaih theih. Zanin dar 1:30 hian Atletico Madrid-in last 16-ah Real Sociedad an hmachhawn dawn.

Atletico hian Saudi Arabia-a khelh Spanish Super Cup semifinal-ah Athletic Bilbao hneh loin an tla a, Copa del Rey-ah an chak lo chhunzawm a nih chuan match hnih lekah inelna pahnihah an tla dawn tihn a ni.

Simeone hote hian record duhawm lo tak hi pumpelh an duh a nih chuan Reale Arena, San Sebastian-ah mual neitu Sociedad an hneh a ṭul a dawn. Tun season La Liga-a team pahnih inhmachhawn ṭumah 2-2 in an inhnehtawk a, tun ṭumah erawh chak zawk an awm ngei a ngaih dawn avangin inkhelh a hmuhnawm sawt ang.

Atletico hian Sociedad hnehin quarterfinal lut pawh ni se inelnaah hian Spanish team ṭha Real Madrid leh Barcelona te an la dam avangin cham­pion a harsa dawn. Tun dinhmunah Mallorca, Cadiz, Rayo Vallecano, Valen­cia leh Real Betis ten quarterfinal an lut tawh a ni.

Copa del Rey
Zanin Inkhel Tur
Real Sociedad 1:30 AM Atletico Madrid
Janaury 20, Ningani
Elche 11:30 PM Real Madrid
Athletic Club 2:00 AM Barcelona