Germany tana khelh ka duh - Baumann

Hoffenheim goal­keeper Oliver Baumann-a'n Bundesliga-ah match 377 a khel tawh a, tuna Bundesliga keeper zingah league match khel tam ber pahnihna a ni. Kum 31 mi German keeper hian Germany tan kum bithliah inelnaah tel chho vek mah se senior team tan la inlan lo.

Baumann chuan, "Bundesliga, DFB-Pokal, Champions League leh Europa League-ah te ka khel tawh a, Germany tana khelh hi ka duhthusam la thleng lo chu a ni," tiin rama tana khelh a duh thu a sawi.

Zanin dar 1:15 hian Hoffenheim-in SC Freiburg an mikhual dawn a, Baumann hian a inzirchhuahna leh Bundesliga season nga ngawt a khelh tawhna club a hmachhawn dawn tihna a ni.