A thiam 3 zinga tel Salah tan 11 zingah hmun a awm lo!

Best FIFA award sem zanah FIFA FIFPro World XI pawh puan nghal a ni a, a thiam pathum zinga lang phak Salah chu a thiam 11 zingah a tel lo - vote hi professional footballer te thlak a ni.

FIFPro World XI-ah Salah tan hmun a awm lo chungin forward pali ngawt dah an ni a, Ronaldo, Erling Haaland, Lewandowski leh Messi te chu tlarhmaah an awm.

German legend Lothar Matthaus chuan, "Tlarhmaa heti zat player an awm chuan tlarhnung tan hna a tam dawn a nih hi," tiin World XI puan a nih rual hian fiamthu a thawh a, tuna an thlan danah chuan 3-3-4 formation hman a ngai dawn.

Chelsea goalkeeper Edouard Mendy chu Goalkeeper of the year-ah thlan ni mah se World XI-ah a tan hmun a awm lo a, Euro-a Italy champion puitu Gianluigi Donnarumma a nek chhuak zo lo.

FIFA FIFPro World XI
Goalkeeper: Gianluigi Donnarumma (AC Milan/Paris Saint-Germain)
Defenders: David Alaba (FC Bayern München/Real Madrid CF), Leonardo Bonucci (Juventus FC) & Rúben Dias (Manchester City FC)
Midfielders: Kevin De Bruyne (Manchester City FC), Jorginho (Chelsea FC) & N’Golo Kanté (Chelsea FC)
Forwards: Cristiano Ronaldo (Juventus FC/Manchester United FC), Erling Haaland (BV Borussia 09 Dortmund), Robert Lewandowski (FC Bayern München) & Lionel Messi (FC Barcelona/Paris Saint-Germain)