ISL inkhel tur ṭhulh

19th January, 2022

Thawhṭanni zana Indian Super League inkhel tur chu Covid-19 vangin ṭhulh a ni a, ISL lam thu chhuakin an tarlan danin, Jamshedpur FC lamin inkhel tur khawp player an nei lo a, Hyderabad FC nena an inkhel tur hi ṭhulh a ni.

Ruahman dan chuan zaninah match khat khelh tur a ni a, dar 7:30-ah FC Goa leh East Bengal an inkhel ang. Nizan khan NorthEast United leh Odisha FC an inkhel a, he thu buatsaih a nih lai hian result kan hre hman lo.