NBA player pakuain hri kai belh

National Basketball Association (NBA) chuan player endikna an neih hnuhnung berah mi pakua chuan Covid-19 an kai tih hmuhchhuah thar a nih thu an sawi a, endikna neih tawh chinah player 25 leh team staff 10 ten hripui hi an kai tawh.

NBA chuan thuchhuah siamin, "Player, coach leh staff hri kai reng reng chu mi dang tlawh pawh lohin khung hran zel an ni. Damdawi lam thiamte enkawlna hnuaiah a ṭha thei ang bera enkawl an ni," tiin an sawi. Coronavirus vanga hun rei tak an chawlh hnuah July thla tawp hian NBA khelh chhunzawm tum a ni a, playoff la beisei thei chin team 22 chuan hmun khatah inelna an hmachhawn ang.

Regular season-a Eastern leh Western Conference aṭangin a sang zual pariat ten playoff an khel dawn. Conference champion an zawn hnuah 'NBA Finals 2020' khelh a ni leh dawn bawk a, season khar hmain match khelh tur a la tam ang reng hle.