Champions League khelh tum Betis
Real Betis-in season tharah Champions League khelh ngei an tum tih an pholang zel a, Thawhlehni zan khan an mikhual Alaves chu 4-0 ngawtin an sawp.
Betis tan hian forward Borja Iglesias chuan goal hnih a khung a, Sergio Canales leh Juanmi Jiménez ten goal khat ve ve an khung bawk.
La Liga inkhel dangah Cadiz leh Espanyol chu 2-2 in an inhnehtawk a, hun pek belhah team pahnihin goal khat ve ve an khung - boruak a 'hot' hle!
Espanyol tan Manu Morlanes chuan minute 10-na lekah goal hmahruai a khung a, Cadiz tan kum 36 mi striker Álvaro Negredo chuan si phurh a sut.
Coach thar Sergio González hnuaia an league match hmasa ber khel Cadiz tan Iván Alejo chuan hun pek belh minute khatnaah goal a rawn khung leh a, an chak mai dawn niin a lang.
Mahse, minute nga hnuah Raul de Tomas chuan Espanyol tan a khung ve leh a, goal dang lut loin 2-2 in team pahnih an inhnehtawk.
January 18, Thawhlehni Zan
Real Betis 4 - 0 Alaves
REB: Borja Iglesias 11', 41';
Sergio Canales 29'; Juanmi 54'
Cadiz 2 - 2 Espanyol
CAD: Álvaro Negredo 54'; Iván Alejo 90+1'
ESP: Manu Morlanes 10'; Raúl de Tomás 90+6'
Team Dinhmun
# Team Pld W D L GF GA GD Pts
1 Real Madrid 21 15 4 2 45 18 27 49
2 Sevilla 20 13 5 2 31 13 18 44
3 Real Betis 21 11 4 6 37 24 13 37
4 Atlético Madrid 20 9 6 5 33 24 9 33