AFCON aṭangin Ghana an tla!

Africa Cup of Nations-ah football mawina leh nunrawnna a ruala hmuh turin a awm - a vawi khat nana AFCON khel Comoros chuan 3-0 in Ghana an hneh a, inelna aṭangin an pet chhuak.

Comoros tan El Fardou Ben Nabouhane chuan minute lina lekah goal hmahruai a khung a, minute 25-naah Ghana captain Andre Ayew chu Comoros keeper Ben Boina laka a chet dan avangin hnawhchhuah zui a ni.

Player tam zawk Comoros tan Ahmed Mogni chuan minute 61-naah a khung leh a, 2-0 a ni. Ghana-in Richmond Boakye leh Alexander Djiku hmangin si phurh an sut zo a, beiseina thar an nei.

Mahse, hun tawp nan minute nga chiah a awm tawh tihah Comoros tan Mogni chuan goal khat a rawn khung ve leh a, hun tawp thlenga goal dang lut loin 3-2 in an chak!

Group C inkhel dangah Gabon-in Morocco lakah Jim Allevinah leh Nayef Aguerd (own goal) hmangin vawi hnih ngawt hma an hruai a, Morocco-in Sofiane Boufal penalty leh Achraf Hakimi goal hmanga chhangletin 2-2 in an inhnehtawk.

Morocco-in group hmahruaitu ni chungin last 16 an lut a, Gabon hi pahnihna niin an lut bawk - Comoros tan erawh pahnihna ti ṭha pali zinga tel chu beiseina a ni.