Thla thum chawl tur Samuel Umtiti

Barcelona defender Samuel Umtiti chuan Thawhṭanni khan club training-naah a ke phah a ti na a, Thawhlehni khan zai nghal niin thla thum tal chawlh a mamawh tur thu Barcelona chuan an puang.

Catalan club chuan, "Samuel Umtiti chu a ke ding lam hliam avangin hlawhtling taka zai a ni a, thla thum tal a chawlh a ngai ang," an ti.

Kum 28 mi French defender hi tun season-ah Barca tan vawi khat chiah la inlan mahse, January 8 khan Granada nen an inkhelh ṭumin centre back Eric Garcia chu a lo inhliam tawh bawk a, Barca tan Umtiti chhawr theih loh thu hriat hi a nuam lo ang.

Barca hian naktuk zing dar 2:00-ah Copa del Rey last 16 khel turin Athletico Bilbao an lenchilh dawn a, zanin dar 11:30-ah Elche leh Real Madrid an inkhel dawn bawk.