Salernitana point an paihsak

Serie A mawngphaha awm Slernitana tan chanchin lawmawm lo a awm, point khat paihsak an nih bakah Udinese nen an inkhelh tura an inlan loh avangin 3-0 a chak loah puan an ni nghal bawk.

December thla khan team pahnih hi intawng tur an ni. Mahse, Italy hmar chhaka khaw awm Salerno damdawi lam thiamte chuan Covid-19 vangin team hi an zin chhuah an phal lo a, match an khel thei ta lo a ni.

Thawhlehni zan khan Serie A chuan Salernitana laka an thutlukna hi an puang. Nikum khan Covid-19 vanga zin theih loh vanga match khelh loh hi a lo awm tawh a, hremna pawh a thuhmun. Mahse, court-ah an la khinglet leh thei ang.

Kai thar Serie A Salernitana hian point 11 chiah an la hmu a, thil mak a thleng thut a nih ngawt loh chuan season tharah chuan Serie B an khelh leh a ngaih a rinawm.