Mahuma Memorial - RVL an chak awlsam

Mahuma Memorial 1st Division Screening Tour­nament 2021-22 khelh laiah Ramhlun Venglai an chak awlsam. RVL hian nimin khan Legends chu wicket riatin an hneh a, match hnih an khelh tawhah an chak ve ve.

Suaka Cricket Ground, Sihhmuia inkhelah Ramhlun Venglai hi ṭhum vawra vannei zawk niin vawm hmasak an thlang. Over 45.5 chhungin Legends lamin run 145 siamin an thi kim a, target sang tak an siam thei lo.

RVL lamin over 18.3 lekah mi pahnih chauh hloh chungin target an khum a, run 68 siamtu Reuben Lalhruaizela leh Joseph Lalthankhuma (54 runs) te an khel ṭha hle a, an chak theihna hnar pawimawh an ni.

Tualchhung cricket inelna ngaihhlutah hian Ramhlun Venglai, Chhinga Veng leh Kuli­kawn ten vawi hnih ṭheuh hnehna an chang tawh. Gorkha, Zarkawt Lords, Hunthar leh Legends ten chak ni hmel an la hmu ve lo.

Vawiin hian inkhel a awm dawn lo. January 26, Nilainiah Hunthar leh Zarkawt Lords te an inhmachhawn leh chauh ang.

January 19, Nilaini
Ramhlun Venglai (149/2) bt Legends (145/10)
Ramhlun Venglai hi wicket riatin an chak
Toss: Ramhlun Venglaiin vawm hmasak an thlang
PoM: F Lalruatfela, Ramhlun Venglai
Ramhlun Venglai: Reuben Lalhruaizela 68 (48); Joseph Lalthankhuma 54 (42) PC Pachhunga 1/18(3); Amit Ch Shil 0/13 (4)
Legends: Kmagan Sana Meitei 38 (108); Lalnunouia 12 (36); F Lalruatfela 4/22 (9.5); K Vanrotlinga 2/16 (7)