Set la hloh lo Rafael Nadal

Australian Open 2022 khelh laiah Rafael Nadal chu dan theih lohin a kaltluang mek. Spanish star hian nimin khan Yannick Hanfmann chu 6-2, 6-3, 6-4 a sawpin third round a inhlangkai, match hnih a khelh tawhah set a la hloh miah lo.

German tlangval Hanfmann hian match point hmasa pali a inchhanhim thei, mahse Rod Laver Arena-a inkhelah hian 2009 champion Nadal hi dan reng theih a ni lo, darkar hnih leh minute 42 chhungin a chak.

Nadal hian third round-ah chuan Karen Khachanov a hmachhawn leh dawn. Seeded 28-na Khachanov hian nimin tlai khan Benjamin Bonzi chu 6-4, 6-0, 7-5 in a lo hneh ve bawk, Nadal nen an inkhel tur hi a hmuhnawm ang.

Grand Slam vawi 20 champion tawh Nadal chuan, "Player service nei ṭha tak hmachhawn hi chu a awlsam ngai lo. A tir aṭanga a tawp thleng khan ka fimkhur hle, thleng sang tur erawh chuan match hautaka hnehna chan theih hi a pawimawh," a ti.

Kum 35 mi Nadal hian a vawi hnih nan Australian Open nomawi chawi a tum dawn. A champion thei a nih chuan Roger Federer leh Novak Djokovic te khumin major title la hnem ber dinhmun a luah ang.

Inkhel Thlirna Tawi

Hanfmann Stats Nadal

5 Aces 1

1 Double faults 5

56/96 1st serve in 46/85

34/56 Win 1st serve 35/46

20/40 Win 2nd serve 25/39

0/2 Break points won 4/16

16/27 Net points won 13/18

30 Winners 30

32 Unforced errors 26

79 Total points won 102