Second round-ah Sindhu

PV Sindhu chu Syed Modi International Super 300 tournament-ah second round a lut. Nimin first round inkhelah Sindhu hian amah ang bawka Indian player Tanya Hemanth lakah game hloh loin hnehna a chang.

Babu Banarasi Das Indoor Stadium-a inkhelah Olympic medal pahnih la tawh Sindhu-i'n Tanya hi 21-9, 21-9 in a hneh; a match lehpekah chuan Irma Sharma 15-21, 21-16, 21-16 a hnehtu Lauren Lam a hmachhawn leh dawn.

Inkhel dangah Indian player tho Kanika Kanwal chuan United States player Disha Gupta chu 21-15, 16-21, 21-1 in a hneh ve bawk.