Cook a chawl dawn

England tana test cricket-a run siam hnem ber Alastair Cook chuan India nen test match hnuhnung ber an khelh zawhah international cricket aṭanga a chawlh tur thu a puang.

Kum 33 mi opener hian run 12,254 a siam a, test match 160-ah century vawi 32 a siam a, heng zawng zawng hi England record vek a ni.

England tana test match vawi 59-a captain tawh Cook chuan, "Ka naupan laia in kawta ka khelh aṭanga England tana ka khelh thlengin cricket tan ka hun pum ka hlan. England tan hun rei tak ka khel thei hi ka lawm takzet a ni. Tunah chuan ram tan theihna dang pek tur ka neih tawh loh avangin ka chawlh a ṭul ta ni," tiin a sawi.

Cook hian record ṭha tak nei mah se India nen test series an khelh mekah half century pawh a la siam lo a ni.