Real Valladolid-ah Ronaldo thu dawn

2002 FIFA World Cup-a Brazil champion puitu Ronaldo chuan Real Valladolid neitu nihna 51% chu a lei a, La Liga club hi a thu hnuaiah a dah thei ang.

Kum 42 mi Ronaldo hian Real Madrid, Inter Milan, AC Milan leh Barcelona tan a khel tawh ṭhin a, khawvel footballer ropui ber zinga sawi a ni.

Club president Carlos Suarez chuan, "Kan club-a Ronaldo a rawn tel avang hian kan club a ṭha zawngin a ṭhang thei ang," tiin lawmawm a tih thu a sawi.

Real Valladolid hian tun season La Liga-ah chak an la nei lo a, table-ah 16-naah an awm mek. Ronaldo chuan, "Football hi ka tuina a ni a, tawnhriat tam tak ka nei tawh bawk. Club inrelbawl dan tharah chuan midang el phak, lang tlang, danglamna leh mi zawng zawng milin kalpui kan tum ang," tiin a sawi.

Thla hmasa khan Ronaldo hi Ibiza-a chawlh a hman ṭumin pneumonia vangin dam­dawi-inah dah a ni.