Saints captain nihna hlihsak

Southampton midfielder Pierre-Emile Hojbjerg chu Saints hian a captain nihna an hlihsak a, English defensive midfielder James Ward-Prowse hnenah captain armband hi hlan a ni. 

Kum 24 mi Hojbjerg hian Saints chhuahsan a tum niin khawthlang media-te chuan an tarlang fo a, tun hnai khan Denmark international hian Champions League khelh a duh thu a sawi bawk. 

Hojbjerg hian kum 2016 khan Bayern Munich aṭangin Saints hi a zawm a, a contract neihlai ang chuan thla 12 bak Premier League-ah hian hun a nei tawh lo. 

Saints coach Hasenhuttl chuan, "Captain a ni tawh dawn lo. Contract neihlai pawhsei an duh loh chuan he team captain hi a nih chhunzawm theih loh tih ka tichiang tawh a ni," a ti. 

Southampton hian zanin dar 10:30-ah Norwich City an lenchilh dawn a, Covid-19 vanga Premier League chawlh a nih hnua an match hmasa ber tur a ni ang.