Ronaldo hian hun a mamawh - Allegri

Cristiano Ronaldo-a'n Juventus a zawm hnuah Serie A match thum a khel tawh a, goal shot vawi 23 ngawt nei tawh mah se goal a la khung lo. Juve manager Massimiliano Allegri chuan a forward hian a theihna tak lantir tur chuan hun a mamawh thu a sawi chhuak.

Italian manager Allegri chuan, "Italian football hi a danglam a, thil a awlsam nghal vek lo ang. Goal hmaah hmun a insiam thiam a, a khung loh pawhin a ṭhiante tan a ṭangkaina a nep chuang lo. A theihna tak tak lan chhuah nan chuan hun a mamawh ve deuh a ni," tiin a sawi.

Kum 33 mi Ronaldo hian ram tana inkhelh a la chawlhsan lo a, Croatia leh Italy hmachhawn tur Portugal squad-ah erawh telh a ni rih lo. Ram tana match 154 khel tawh forward hi a kum atam deuh tawh avangin match zawng zawngah chuan an ko vek tawh lo in a rinawm.

Portugal coach Fernando Santos chuan, "Real Madrid aṭangain Juventus a zawm a, boruak danglam a hip bakah khelmual pawn lamah ngaihtuah tur a nga a, tun dinhmunah chuan a tan inkhela zin chhuah rih loh a ṭha zawk," tiin a sawi.

Portugal squad

Goalkeeper: Beto (Goztepe), Claudio Ramos (Tondela), Rui Patricio (Wolves)

Defenders: Cedric Soares (Southampton), Joao Cancelo (Juventus), Luis Neto (Zenit St Petersburg), Mario Rui (Napoli), Pedro Mendes (Montpellier), Pepe (Besiktas), Raphael Guerreiro (Borussia Dortmund), Ruben Dias (Benfica)

Midfielders: Bruno Fernandes (Sporting), Gedson Fernandes (Benfica), Pizzi (Benfica), Renato Sanches (Bayern Munich), Ruben Neves (Wolves), Sergio Oliveira (Porto), William Carvalho (Real Betis)

Forwards: Andre Silva (Sevilla), Bernardo Silva (Manchester City), Bruma (RB Leipzig), Gelson Martins (Atletico Madrid), Goncalo Guedes (Valencia), Rony Lopes (Monaco).