England tana khel lo tur Sterling

Manchester City forward Raheem Sterling chu England squad aṭangin a inhnukdawk a, Inrinni zana Spain nena UEFA Nations League an khelh tur leh Switzerland nena September 11 zana an inhmachhawn turah a tel lo ang.

Football Association chuan Sterling hian hnungzang hliam a nei niin an sawi a, England tana inkhel tura koh player-te nimina St George's Park-a an kalkhawmnaah Sterling hi a tel lo awmchhun a ni.

St George's Park hi Football Association-in national football centre atana an din a ni a, Three Lions player-te chuan he hmunah hian training an nei ṭhin a ni. Sterling a awm lo chungin FA lam chuan a thlaktu tur koh an tum lo niin an sawi a, player 22 chiah squad-ah an awm ang.