Russia-ah Marchisio a pem

Juventus midfielder hlui Claudio Marchisio chuan Italian club a chhuahsan hnuah Russia lamah a pem a, season thar aṭang chuan Zenit St Petersburg tan a khel tawh dawn.

Kum 32 mi midfielder hian August khan Juventus-ah kum hnih dang atan contract la nei mah se inhriatthiam tawnnain a contract neihlai hi a titawp a, kum 25 hnuah club dang tan a khel ve dawn ta.

Juventus tana league nomawi pasarih chawitu Marchisio chuan, "Zenit zawm tur hian ka inngaihtuah buai lo. Juventus ka chhuahsan khan Italian club dang ka pan loh tur thu ka sawi a, ka tumna leh theihna min ṭawmpui thei club ka pan a ni," a ti a, Zenit-ah hian kum hnih atan contract a ziak.