Diego Costa a inhnukdawk

Chelsea striker hlui Diego Costa chu Spain squad aṭangin a inhnukdawk. UEFA Nations League a hmachhawn dawn loh chhan hi Spanish Football Federation chuan 'mimal thil' tiin an sawi sak.

Kum 29 mi Costa hian England leh Croatia a hmachhawn dawn lo tihna a ni a, a aiawh tur hian Celta Vigo forward Iago Aspas koh nghal a ni. Luis Enrique kaihhruaina hnuaia an match hmasa ber atan Inrinni zan hian Wembley Stadium-ah England an lenchilh ang.

Barcelona coach hlui hian an ram team a enkawl hnua a hmasa ber turin kar hmasa Zirtawpni khan squad a puang a, Catalan club tana khel lai Jordi Alba bakah Atletico Madrid midfielder Koke te chu a ko tel lo.

World Cup zawh hnuah player langsar Andres Iniesta, David Silva leh Gerard Pique ten ram tana inkhelh an chawlhsan thu an puang tawh a, player thar ṭhenkhat tan hmun a inhawng zau sawt.

Premier League club ṭha Chelsea player plai - Marcos Alonso, Alvaro Morata, Cesar Azpilicueta leh Kepa Arrizabalaga te koh an ni a; Real Betis goalkeeper Pau Lopez, Valencia full back Jose Gaya leh Real Madrid midfielder Dani Ceballos te chu a vawi khat nan koh an ni bawk.

Spain Squad:
Goalkepeers: David de Gea (Manchester United), Kepa Arrizabalaga (Chelsea), Pau Lopez (Betis).
Defenders: Dani Carvajal (Real Madrid), Nacho (Real Madrid), Sergio Ramos (Real Madrid), Diego Llorente (Real Sociedad), Inigo Martinez (Athletic Bilbao), Jose Gaya (Valencia), Cesar Azpilicueta (Chelsea), Marcos Alonso (Chelsea), Raul Albiol (Napoli).
Midfielders: Sergio Busquets (Barcelona), Sergi Roberto (Barcelona), Rodri (Atletico Madrid), Saul Niguez (Atletico Madrid), Dani Ceballos (Real Madrid), Thiago Alcantara (Bayern Munich).
Forwards: Isco (Real Madrid), Marco Asensio (Real Madrid), Iago Aspas (Celta Vigo), Rodrigo Moreno (Valencia), Alvaro Morata (Chelsea), Suso (AC Milan).