SAFF Championship 2018 ; Zaninah India an inlan nghal dawn

South Asian Football Federation (SAFF) Cham­pionship 2018 chu nizan khan khelh ṭan a ni a, Mizo pahnih telna India chuan zanin dar 6:30 hian Sri Lanka nen match hmasa ber an khel ang.

SAFF hnuaiah hian India bakah Pakistan, Bangladesh, Nepal, Mal­dives, Sri Lanka leh Bhutan an awm a, Group B-ah Blue Tigers hi Sri Lanka leh Maldives nen awmin Group A-ah Bangladesh, Bhutan, Nepal leh Pakistan an awm thung.

Group A leh B-a a sang pahnih ve ve hian semifinal an khel dawn a, September 15-ah final khelh niin Bangladesh chuan tun ṭum inelna hi an thleng a ni.

India squad-ah hian a tirah Mizo panga awm mah se inthlit fim a nih hnuah Jerry Lalrinzuala leh Lallianzuala Chhangte tan bak hmun a awm lo a, Daniel Lal­hlim­puia chu hliam vang­in thawn haw a ni bawk.

Blue Tigers squad hi India coach Stephen Constantine chuan rawlthar rual enchhin nan hman a duh avangin senior player a ko lo a, hei vang hian Jeje Lalpekhlua leh Sunil Chhetri te chu koh zingah an tel lo.

India Squad
GOALKEEPERS: Vishal Kaith, Kamaljit Singh, Sukhdev Patil.
DEFENDERS: Davinder Singh, Salam Ranjan Singh, Sarthak Golui, Subhasish Bose, Mohd. Sajid Dhot, Jerry Lalrinzuala.
MIDFIELDERS: Nikhil Poojary, Vinit Rai, Germanpreet Singh, Anirudh Thapa, Lallianzuala Chhangte, Ashique Kuruniyan, Vignesh D.
FORWARDS: Sumit Passi, Hitesh Sharma, Manvir Singh, Farukh Choudhary.
HEAD COACH: Stephen Constantine.
India Fixtures
September 5, Zanin
India 6:30 PM Sri Lanka
September 9, Pathianni Zan
India 6:30 PM Maldives
Inkhel hi DSports chuan live-in a pe chhuak ṭhin ang.