Hamilton-a'n Ferrari a kap

Formula 1 champion­ship hmahruaitu Lewis Hamilton chuan an elpui Ferrari chu team ṭha tak an nih thu a zep lo a, chutihrualin Mercedes tan tlan pelh theih an nih thu a sawi chhuak.

Intlansiak hnuhnung ber Italian Grand Prix-ah khan Hamilton hian Ferrari driver pahnih Sebastian Vettel leh Kimi Raikkonen te tlan pelin hnehna a chang a, hmahruaitu a nihna pawh a sawhnghet sawt.

World champion vawi li ni tawh Hamilton chuan, "Inelna hautak leh nuam tak min chhawpchhuah sak avangin Ferrari team chungah ka lawm, chutihrualin keini Mer­cedes team tan anni hi tlan pelh theih an ni, a bik takin tun ṭuma hnehna ka chan hi a hlu danglam hle," tiin a sawi.

Formula 1 intlansiak hi September 16 hian neih chhunzawm leh a ni dawn a, Singapore GP an tlan tur hi Ferrari tan fiahna a ni dawn. Season hmasa khan lap hmasa lamah an driver pahnih an chetsual tawhna a ni a, kuminah an tlawm nawn a nih chuan mualphona lian tak a ni ang.