Oblak-a'n record thar a siam

Atletico Madrid goalkeeper ṭha mi Jan Oblak chuan Osasuna lakah goal a chhuah lo a, La Liga-ah match 100 chu goal a chhuah ta lo - La Liga-a clean sheet vawi 100 nei tura match mamawh tlem ber record a siam. 

Slovenia international Oblak hian clean sheet vawi 100 nei tur hian match 182 bak a mamawh lo a, match 82-ah chiah goal a chhuah - kum 2014 khan Atletico hi Benfica aṭangin a zawm a, khawvela goalkeeper ṭha ber pawl a ni chho. 

Oblak hma hian Barcelona leh Atletico Madrid tana khel ṭhin Miguel Reina chuan match 222-ah clean sheet vawi 100 neiin record a lo siam tawh a, ani hi Liverpool keeper hlui Pepe Reina pa a ni. 

Kum 27 mi Oblak chuan, "Dik taka sawi chuan stats lam hian minti buai ngai lo. Mi sawi ka hria a, record duhawm tak a ni," a ti duh chauh!