RB Leipzig an chak, Gladbach an mualpho

21st January, 2022

DFB Pokal last 16 chu Nilaini zan khan khelh zawh a ni a, season liam ta finalist RB Lepzig-in Hansa Rostock 2-0 in an hneh. Bundesliga club Borussia Monchengladbach chu 2. Bundesliga club Hannover 96 lakah 3-0 in an mualpho.

German Cup quarterfinal draw hi January 23-ah neih a ni dawn a, inelna hi March 1-2, 2022-ah khelh leh a ni ang. Team pariat la dam zinga team pali St Pauli, Hamburger SV, Karlsruher SC leh Hannover 96 te hi 2. Bundesliga club an ni a, Bundesliga club pali RB Leipzig, VfL Bochum, Union Berlin leh SC Freiburg an la dam bawk.

Upset a thleng

Hannover-in an mualah bul an ṭan ṭha a, minute lina lekah Weydandt chuan Borussia Monchengladbach tlarhnung tihbuai hman loin Maximilian Beier tan ball ṭha a pe a, kum 19 mi German forward hian goal hmahruai a khung.

Hannover-in minute 36-naah Marvin Friedrich kutin ball a fuh avangin penalty an hmu a, Sebastian Kerk-a'n chiang takin a khung. Second half-ah Beier bawk a rawn inlar a, minute 51-naah keeper Yann Sommer chauh hmachhawnin Hannover goal thumna a khung.

Leipzig an chak

RB Leipzig-in Hansa Rostock laka goal khung turin hun an mamawh rei lo a, minute rukna lekah Lukas Klostermann cross chu Yussuf Poulsen-a'n hnai tak aṭangin a tauh goal.

Leipzig hian inkhel an thunun a, Willi Orban leh Christopher Nkunku ten chance ṭha an hlah. Goal hnihna erawh minute 82-naah a lut chauh a, bench aṭanga rawn lut Dani Olmo-a'n chak nemnghehna goal a khung.

DFB Pokal - Last 16
January 18, Thawhlehni
FC Cologne 1 - 1 Hamburger SV
Penalty Shootout-ah Hamburger 4-3 in an chak
COL : Anthony Modeste 120+2'
HAM : Robert Glatzel 92'
1860 Munich 1 - 0 Karlsruher
KAL : Marvin Wanitzek 69' (P)
VfL Bochum 3 - 1 Mainz
BOC : Milos Pantovic 56' (P), 59'; Eduard Lowen 80'
MAI : Karim Onisiwo 36'
FC Saint Pauli 2 - 1 Borussia Dortmund
SAI : Etienne Ameyido 4'; Axel Witsel 40' (OG)
DOR : Erling Haaland 58' (P)
January 19, Nilaini
Hannover 96 3 - 0 Borussia Monchengladbach
HAN : Maximilian Beier 4', 51'; Sebastian Kerk 36' (P)
RB Leipzig 2 - 0 Hansa Rostock
RBL Yussuf Poulsen 6'; Dani Olmo 82'
Hertha 2 - 3 Union Berlin
HER : Rani Khedira 54' (OG); Suat Serdar 90+5'
UNI : Andreas Voglsammer 11'; Niklas Stark 50' (OG); Robin Knoche 55'
Hoffenheim 1 - 4 SC Freiburg
HOF : Nico Schlotterbeck 52' (OG)
FRE :Vicenzo Grifo 10', 36' (P); Kevin Schade 55'; Emerdin Demirovic 68'