China-in Chinese Taipei an sawp

AFC Women's Asian Cup 2022 chu nimin khan khelh ṭan a ni a, match hmasa berah China chuan 4-0 ngawtin Chinese Taipei an sawp.

China hian minute thumna leka Wang Shuang-i penalty hmangin goal hmahruai an khung a, Paris Saint-Germain midfielder hlui hian minute 68-naah a belhchhah bawk.

Kum 2018-a Asian Women's Footballer of the Year lo ni tawh Shuang-i goal khung karah Wang Shanshan leh Zhang Xin ten goal khat ve ve an khung bawk a, Chinese Taipei lamin a chhanletna tur an nei lo.

Nizan khan India leh Iran an inhmachhawn a, he thu buatsaih a nih lai hian result kan hre hman lo.

January 20, Ningani Zan
China 4 - 0 Chinese Taipei
CHI: Wang Shuang 3' (P), 68';
Wang Shanshan 9'; Zhang Xin 54'
Zanin Inkhel Tur
Japan 1:30 PM Myanmar
Australia 3:30 PM Indonesia
Thailand 5:30 PM Philippines
South Korea 7:30 PM Vietnam