Sevilla-in hun duhawm bawhpelh

La Liga champion beiseitu Sevilla-in Valencia khelmualah point thum hmuh beisei mah se 1-1 in an inhnehtawk a, point khatah lungawi an zir a ṭul.

Sevilla-in point khat chiah an hlawhchhuah theih avangin hmahruaitu Real Madrid nena an inkar sawr zimna remchang an neih chu an bawhpelh a, match 21 ve ve khelh tawhah Real hi point liin an phak lo mek.

Mikhual team Sevilla hian minute sarihna lekah goal an khung hmasa zawk a, Valencia defender Mouctar Diakhaby chuan Gonzalo Montiel-a'n Lucas Ocampos tana a siamsak chu lo dan a tumna lamah an lamah a ti lut.

Mahse, Valencia-in European football an beiseina chu a la nung ve reng a ni tih lantir nan Goncalo Guedes chuan minute 44-naah si phurh a sut a, hun tawp thlenga goal dang lut loin an inhnehtawk.

Valencia defender Jose Gaya vanneih zan a ni lo - a goal khung chu offside vangin pawmsak a ni lo a, Ocampos laka a chet dan hlauhawm tak avangin minute 89-naah hnawhchhuah a ni bawk.