Croatia-in India Under 19 sawp

Kum 19 hnuai lam, ram pali inelnaa tel mek India Under 19 chuan nimin khan an match hmasa berah Croatia U19 chu 0-5 ngawtin an ngam lo a, an mikhualna ramah an mualpho.

Croatia-a neih mek inelnaah hian a thlengtu leh India bakah hian France U19 leh Slovenia U19 an tel bawk a, team tel te hi an inkhel kual vek dawn a ni.

Croatia nena inkhelah hian India tan Mizo rawl­thar Lalengmawia a inlan a, Vaivakawn rawlthar hian minute 24-naah India freekick hmuh chu petin goal-ah a chantir teuh hle.

India hian vawiinah Slo­venia U19 nen an match hnihna an khel leh dawn a, September 9-ah France nen an inhma­chhawn leh ang.