England squad an insiksawi

Liverpool midfielder Adam Lallana chu Eng­land squad aṭangin a inhnukdawk a, 2017-18 season-a hliam vanga talbuai tawh midfielder hian a ṭhalah hliam a tuar.

Lallana hma hian Raheem Sterling chu hliam vangin a lo inhnuk­dawk tawh a, hetihlai hian Ful­ham goalkeeper Mar­cus Bettinelli chu a vawi khat nan Three Lions squad-ah hian koh a ni bawk.

Kum 30 mi Lallana hi hliam damkawr avangin World Cup khelh zawh tak­ah khan England squad-ah a tel lo tawh a, vanduai­nain a la kiansan hleithei lo.

England tan first choice goalkeeper Jor­dan Pickford chuan Thawh­lehni khan team trai­ning a la zawm ve lo a, goalkeeper koh thar kum 26 mi Bettinelli hi England under 21-ah Gareth Southgate kaih­hruaiin a lo khel tawh ṭhin.

England hian Inrinni zanah Spain nen UEFA Nations League an khel dawn a, September 11 zanah Switzerland nen friendly match khelin an intawng leh bawk ang.

England squad thar
Goalkeepers: Jack Butland (Stoke), Jordan Pickford (Everton), Alex McCarthy (Southampton), Marcus Bettinelli (Fulham)
Defenders: Trent Alexander-Arnold (Liverpool), Fabian Delph (Manchester City), Joe Gomez (Liverpool), Harry Maguire (Leicester City) Danny Rose (Tottenham Hotspur), Luke Shaw (Manchester United), John Stones (Manchester City), James Tarkowski (Burnley), Kieran Trippier (Tottenham Hotspur), Kyle Walker (Manchester City)
Midfielders: Dele Alli (Tottenham Hotspur), Eric Dier (Tottenham Hotspur), Jordan Henderson (Liverpool), Jesse Lingard (Manchester United), Ruben Loftus-Cheek (Chelsea)
Forwards: Harry Kane (Tottenham Hotspur), Marcus Rashford (Manchester United), Danny Welbeck (Arsenal)