Beckham-a club-in hming thar a nei

Miami khawpui behchhana Major League Soccer club neitu David Beckham chuan a club hming thar tur a puang a, Club Internacional de Futbol Miami tih an ni dawn a, Inter Miami CF tia koh an ni ang.

Inter Miami hi MLS-ah erawh an la inlan mai dawn lo a, kum 2020 hian USA-a club football inelna sang berah hian an inlan ve dawn chauh.

Bechkham-a club hian an club logo tur pawh an pholang a, rawn senno, a dum leh a var inchawhpawlh niin a laiah hian kanghlai pahnih a lang a, ni chhuak lai lem, a zung pasarih chhuak a awm - hei hi Beckham-a career hriatreng nana tih a ni.

England captain hlui, Inter Miami neitu leh President ni bawk chuan, "Team pumpui leh ka tan chuan vawiin hi ni lawmawm tak a ni," tiin a sawi.