Japan leh Chile inkhel tur ṭhulh

An rama lirnghing vangin Japan Football Association (JFA) chuan Zirtawpnia Chile nen friendly match an khelh tur chu an ṭhulh thu an sawi. Nimin khan Hok­kai­do hmar lamah lir hi a nghing a, mi pakua an thih bakah bo an awm nual bawk.

Thuchhuah siamin Japan Football Federation (JFA) chuan, "Lirnghing na tak kan tuar a, hei vang hian Samurai Blue leh Chile ten Kirin Challenge Cup 2018 kan khelh tur chu ṭhulh a ni," an ti.

Chile nen hian inkhel se la chuan Japan coach thar Hajime Moriyasu kaihhruaina hnuaia an match hmasa ber a ni dawn a, an ṭhulh takah chuan September 11-a Costa Rica nen an inkhelh tur chu an match hmasa a ni ang.